रत्नागिरी : शहरातील स्वराभिषेक आणि जयेश मंगल पार्क यांच्या संयुक्त विद्यमाने सात नोव्हेंबर २०१८ रोजी दिवाळी पहाटे साडेपाच वाजता जयेश मंगल पार्क येथे सुरेल मैफलीचे आयोजन करण्यात आले आहे.
स्वराभिषेक आणि जयेश मंगल पार्कचे दिवाळी पहाट मैफलीचे हे तिसरे वर्ष असून, स्वराभिषेकच्या विनया परब यांच्या मार्गदर्शनाखाली त्यांचा शिष्यवर्ग शास्त्रीय गायनासोबतच, मराठी-हिंदी भावगीते, नाट्यगीते, भक्तिगीतांची खमंग मेजवानी रसिकांना मिळणार आहे. या मैफलीसाठी महेश दामले (संवादिनी), केदार लिंगायत (तबला), मंगेश चव्हाण (पखवाज-ढोलकी), अद्वैत मोरे (तालवाद्य) आणि मंगेश मोरे (सिंथेसायझर) हे संगीतसाथ करतील.
‘मैफलीच्या यशस्वीतेसाठी ‘स्वराभिषेक’ची सर्व टीम मेहनत घेत असून, मैफलीचा रसिकांनी मोठ्या संख्येने उपस्थित राहून आस्वाद घ्यावा,’ असे आवाहन आयोजकांतर्फे करण्यात आले आहे.
मैफलीविषयी :
दिवस : बुधवार, सात नोव्हेंबर २०१८
वेळ : पहाटे ५.३० वाजता
स्थळ : जयेश मंगल पार्क, माळनाका, रत्नागिरी
